1970–1990

Sämikielâlâš kirjálâšvuotâ puálláá 1970–1980-lovoin

70-lovvoost šoodâi sämmilij čäällim sämikielâlâš kirjálâšvuotâ. Juávhu njunošist Kirste Paltto ja Nils-Aslak Valkeapää almostittijn kievrâssáánág pamfletijdis suomâkielân; Saamelaiset 1973 já Kirjeitä Lapista 1971 (jurgâlum maaŋgâ kielân). Ruotâ sämmilâš puásuialmai Paulus Utsi algâttij jieijâs tihtâčällee syergi (Dikter 1969).

Sämmiliih kirječälleeh algii almostittiđ jieijâs kirjálii antologia Čállagat ive 1973. Otava almostitij sämikirjálâšvuođâ antologia Skabmatolak (1974), mast puoh kulmâ sämikielâ lijjii fáárust.

Sámi girječálliid searvi SGS vuáđudui ive 1979. Ton vuossâmuš saavâjođetteijee lâi Kirste Paltto. Iäráseh algâaaigij kirječälleenoomah lijjii: Synnøve Persen, Niillas Somby, Rauna Magga Lukkari, John Gustavssen.

Kirječälleeh

Kirste Paltto vuossâmuš kirje Soagŋu almostui 1971. Tot lâi meid vuossâmuš nissoon almostittem čaabâkirjálâš pyevtittâs sämikielân. Roomaan Voijaa minun poroni almostui suomâkielân 1986, algâalgâlâš kirje Guhtoset dearvan min bohccot 1987. Kirje lâi Finlandia-palhâšumeiävtukkâssân, já tot jurgâlui kietâčallust. (Kirste Paltto Kirjasampoost).

Kerttu Vuolab. Golbma skihparačča (1979). Kirječällee kuvvim kovekirjeest lii almostittum meid versio, mast láá fáárust anarâškielâ já nuorttâlâškielâ.
Finnimvuotâ Finna
Kerttu Vuolab Kirjasampoost

Marry Aslaksdatter Somby. Vuossâmuš sämikielâlâš párnái kovekirje Ámmul ja alit oarbmaelli (1976).
Finnimvuotâ Finna
Marry Aslaksdatter (Ailonieida) Somby Litteraturnett-siijđoin

Rauni Magga Lukkari algâttij tihtâčällen čuágálduvváin Jieŋat vulget (1980). Čuágáldâh Losses Beaivegirjialmostui ive 1986.
Finnimvuotâ Finna
Rauni Magga Lukkari Kirjasampoost

Eino Guttorm. Vuossâmuš sämikielâlâš roomaan Árbeeatnan luohti (1981).
Finnimvuotâ Finna
Eino Guttorm Kirjasampoost

Hans Aslak Guttorm kuáláástmist muštâleijee maainâs Golgadeamen (1982) vuordij almostittem kuhháá tast maŋa ko Guttorm vuosâpyevtittâs, Koccam spalli lâi almostum.
Finnimvuotâ Finna
Hans Aslak Guttorm Kirjasampoost

Nils-Aslak Valkeapää. Tihtâtrilogia Ruoktu váimmus vuossâmuš uási Giđa ijat čuov'gadat almostui ive 1974. Kei meid Nils-Aslak Valkeapää Lapinkävijät-siijđoin. Valkeapää tihtâ-čuovâkove-eepos Beaivi, áhčázan almostui 1988, já tot finnij Tave-enâmij rääđi kirjálâšvuotâpalhâšume ive 1991. Finnimvuotâ Finna

Rauna Paadar-Leivo. Mo giđđa boahtá Sápmái (1988), párnái kovekirje, mon kuvvij Merja Aletta Ranttila.
Finnimvuotâ Finna
Rauna Paadar-Leivo Kirjasampoost

Jovnna-Ánde Vest algâttij pargoidis uđđâ kuvvimhaamijd occee romanáin Čáhcegáddái nohká boazobálggis (1988), suomâkielân Poropolku sammaloituu (1990).
Finnimvuotâ Finna
Jovnna-Ánde Vest Kirjasampoost

Kati-Claudia Fofonoff algâttij muštâlusčuágálduvváin Paatsjoen laulut - Pââšjoogg laulli (1988). Fofonoff čaalij sehe suomâkielân já nuorttâlâškielân.
Finnimvuotâ Finna
Kati-Claudia Fofonoff Kirjasampoost

Inger-Mari Aikio algâttij tihtâčuágálduvváin Gollebiekkat almmi dievva (1989). Maŋeláá čällee jurgâlij já almostitij taam čuágálduv tiivtâid suomâkielân noomáin Taivas täynnä kultaisia tuulia (1992).
Finnimvuotâ Finna
Inger-Mari Aikio Kirjasampoost

1970-lovvoost almostuvvii puohnissii vááijuv 600 sämikielâlâžžâd olgosaddelmid, čaabâ- já tiätukirjálâšvuotâ, 1980-lovvoost čaabâkirjálâšvuotâ suullân 250 pyevtittâssâd.

Sämikielâ kielâkurssâ Davvin almostuuškuođij 1983. Tot lâi ohtsâštave-eennâmlâš haahâ, já kirjerááiđu toimâttii Inga Guttorm, Johan Jernsletten já Klaus Peter Nickel. 1984 almostuvvii maaŋgah nuorttâlâškielâ oppâkirjeh já luuhâmmaterialeh.